Хитой янги коронавирус билан касалланиш ҳолати 571 тага етганини тасдиқлади, деб хабар бермоқда «Коммерсантъ». Чоршанба, 22 январь кунги ҳолатга кўра, вирусдан 17 киши вафот этган бўлиб, уларнинг барчаси Хубэй провинциясидандир.
Унда вирус ўчоғи бўлган ва пневмония авж олган Ухань шаҳри жойлашган. Ҳукумат эпидемия тарқалишининг олдини олиш мақсадида ушбу шаҳар аҳолисини ташқарига чиқаришни тўхтатиб қўйди.
Хабарда айтилишича, Санкт-Петербургда икки киши коронавирус билан касалланганликда гумонланиб касалхонага ётқизилган Хабаровскда кузатилган яна бир ҳолат шифокорларни ташвишга солган. Аммо аниқланган уч ҳолатнинг иккисида касаллик ташхиси тасдиқланмаган.
Эслатиб ўтамиз, Хитойнинг аҳоли зич жойлашган Ухань шаҳрида пневмониянинг номаълум тури пайдо бўлишига илгари номаълум бўлган коронавирус сабаб бўлгани аниқланган. Олимлар ҳисоб-китобига кўра, вирусни юқтириб олганлар сони 1 723 минг нафарни ташкил қилган. Ушбу натижа Хитой ташқарисида вирус билан зарарланиш ҳолатлари кузатилган ҳолатлар ҳисоб-китоби таҳлили асосида олинган. Ҳозирда вирус юқтириб олганлар ва касаллик оқибатида вафот этганлар сони ортиб бормоқда.
Ўзбекистон ТИВ коронавирус туфайли Хитойга боришни режалаштираётган ўзбекистонликларни яна бир бор эҳтиёт чораларини кўришга чақирганди. Вазирлик аввал ҳам бу ҳақда фуқароларни эҳтиёткорликка чақирган. ССВ эса Хитойда тарқалган коронавирус туфайли чегарадаги санитар назоратни кучайтирган.
Шунингдек, Ўзбекистон Миллий Олимпия қўмитаси Хитойнинг Ухань шаҳрида Осиё-Океания минтақалари учун бокс бўйича 3—14 февраль кунлари бўлиб ўтадиган Токио олимпиадаси мусобақаси бекор қилинганини маълум қилган.
Коронавирус хавфи туфайли Европанинг бир нечта компанияси охирги уч ҳафтада жиддий молиявий зарар кўрган. Хитойда коронавирус ҳақидаги маълумотларни яширган шахслар умрбод шарманда бўлишдан огоҳлантирилган, шунингдек, мамлакатда пластик пакет ва найчалардан фойдаланиш тақиқланган. Аввалига Хитойнинг Ухань шаҳрида оммавий туризм тақиқланди, кейинроқ Шимолий Корея коронавирус сабабли мамлакатга туристларнинг киришига тақиқ қўйган. Вирус сабаб Forbes’нинг энг бой одамлар рўйхатида етакчи алмашди.
Изоҳ (0)