Хитой ҳукумати янги турдаги коронавирус тарқалган Ухань шаҳридан чиқишни ёпиб қўйди, деб хабар берди Meduza. Шаҳарда 11,8 миллион киши яшайди.
Шаҳарда автобус, темирйўл ҳаракати ва авиақатновлар тўхтатилган.
Ухандаги темирйўл вокзали полиция томонидан ўраб олинган. У ерда деярли ҳеч ким йўқ.
— Вокзалда қандайдир экстраординар хавфсизлик чораларини кўришаётганини сезмадим. Фақат платформадан тушган жойда юқори тана ҳароратини аниқловчи ускуна турибди. Рация орқали аҳоли Уханни тарк этмаслиги ҳақида огоҳлантирилмоқда, — деб ёзади New York Times’нинг Ухандаги мухбири Крис Бакли.
Arriving in Wuhan. The station is, as you might expect, unusually quiet. One of the passengers pulled down his mask to have a smoke before getting back on the train. pic.twitter.com/hjTKJZg0of
— Chris Buckley 儲百亮 (@ChuBailiang) January 23, 2020
At Wuhan Railway station at least I have not seen extraordinary security, or health checks — apart from what looked like a fever detector at the exit to the platform. A loudspeaker announcement tells says residents should not leave Wuhan and the station is temporarily closed. pic.twitter.com/ctNBITCcII
— Chris Buckley 儲百亮 (@ChuBailiang) January 23, 2020
https://twitter.com/hancocktom/status/1220233308342308864
Ухандан фақат шахсий автомобилда чиқиб кетиш мумкин. Бироқ шаҳарда бир нечта назорат-ўтказиш пунктлари ишламоқда. Пунктларда ҳайдовчи ва йўловчиларда касаллик белгилари бор-йўқлиги текширилмоқда.
Карантин режими неча кун давом этиши номаълум. Ухань аҳолиси вазият яхшиланишига умид қилмоқда ҳамда супермаркетлардан озиқ-овқат маҳсулотларини кўп сотиб олиб, ғамлаб қўймоқда.
The shopping streets around Wuchang District in Wuhan are very quiet. Most, if not all, shops are closed, and there are few passers by. So far — and it is early days — I haven’t seen any large contingents of police or People’s Armed Police. pic.twitter.com/Zy0DJbTj0K
— Chris Buckley 儲百亮 (@ChuBailiang) January 23, 2020
Айрим дўконларда расталар бўшаб қолган. Одамлар имкон қадар кўчага чиқмасликка ҳаракат қилмоқда. Уйларда дезинфекция ўтказилмоқда.
Эслатиб ўтамиз, Хитойнинг аҳоли зич жойлашган Ухань шаҳрида пневмониянинг номаълум тури пайдо бўлишига илгари номаълум бўлган коронавирус сабаб бўлгани аниқланган. Олимлар ҳисоб-китобига кўра, вирусни юқтириб олганлар сони 1 723 минг нафарни ташкил қилган. Ушбу натижа Хитой ташқарисида вирус билан зарарланиш ҳолатлари кузатилган ҳолатлар ҳисоб-китоби таҳлили асосида олинган. Ҳозирда вирус юқтириб олганлар ва касаллик оқибатида вафот этганлар сони ортиб бормоқда.
Ўзбекистон ТИВ коронавирус туфайли Хитойга боришни режалаштираётган ўзбекистонликларни яна бир бор эҳтиёт чораларини кўришга чақирганди. Вазирлик аввал ҳам бу ҳақда фуқароларни эҳтиёткорликка чақирган. ССВ эса Хитойда тарқалган коронавирус туфайли чегарадаги санитар назоратни кучайтирган.
Шунингдек, Ўзбекистон Миллий Олимпия қўмитаси Хитойнинг Ухань шаҳрида Осиё—Океания минтақалари учун бокс бўйича 3—14 февраль кунлари бўлиб ўтадиган Токио олимпиадаси мусобақаси бекор қилинганини маълум қилган.
Коронавирус хавфи туфайли Европанинг бир нечта компанияси охирги уч ҳафтада жиддий молиявий зарар кўрган. Хитойда коронавирус ҳақидаги маълумотларни яширган шахслар умрбод шарманда бўлишдан огоҳлантирилган, шунингдек, мамлакатда пластик пакет ва найчалардан фойдаланиш тақиқланган. Аввалига Хитойнинг Ухань шаҳрида оммавий туризм тақиқланди, кейинроқ Шимолий Корея коронавирус сабабли мамлакатга туристларнинг киришига тақиқ қўйган. Вирус сабаб Forbes’нинг энг бой одамлар рўйхатида етакчи алмашди.
Изоҳ (0)