«Арсенал» ҳужумчиси Пьер-Эмерик Обамеянг январдаёқ «Барселона»га ўтишни истамоқда, дея хабар қилмоқда Mundo Deportivo.
Каталонияликлар клуби Луис Суареснинг жароҳати боис қишки трансфер ойнасида марказий ҳужумчи сотиб олмоқчи.
Шу билан бирга «Барселона» раҳбарияти габонлик футболчини қўлга киритиш осон бўлмаслигини тушуниб турибди. Сабаби лондонликлар Обамеянгни қўйиб юбориш ниятида эмас. Унинг «Арсенал» билан амалдаги шартномаси 2021 йилга қадар мўлжалланган.
30 ёшли футболчининг ўзига Барселонага кетиш варианти маъқул келмоқда, у икки клуб ўртасида бўлиб ўтадиган музокараларга рухсат берган. Унинг бу фикри «Арсенал»нинг сўнгги қарорига сезиларли даражада таъсир этиши мумкин.
Жорий мавсум Обамеянг «Арсенал» сафида барча мусобақаларни ҳисоблаганда 26 ўйин ўтказиб, 16 та гол уришга эришди. Айни дамда габонлик ҳужумчи «Кристал Пэлас»га қарши учрашувда (1:1) олган қизил карточкаси учун берилган учта ўйинлик дисквалификация муддатини ўтамоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)