Уй-жой коммунал хўжалиги вазирлиги «Иссиқлик таъминоти тизимини такомиллаштиришга қаратилган Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида»ги қарори лойиҳасини муҳокамга қўйди.
Лойиҳада келтирилишича, иссиқлик таъминоти учун йилнинг ҳар ойида бирдек эмас, балки фақатгина иситиш мавсумида пул тўланади. «98-банднинг иккинчи хатбошидаги ‘календарь’ сўзи ‘иситиш давридаги календарь’ сўзлари билан алмаштирилсин», — дейилади лойиҳада.
Лойиҳага кўра:
- истеъмолчилар учун иссиқлик таъминоти хизматларига тарифларни шакллантириш ва белгилашда ишлаб чиқариш харажатларини пасайтириш ҳамда иссиқлик таъминоти тармоқларидаги йўқотишларни қисқартириш ҳисобига иссиқлик таъминоти тизимини ривожлантириш ва модернизация қилиш харажатлари ҳисобга олинади, шунингдек, кўрсатилаётган хизматлар таннархини қоплаш механизмларини босқичма-босқич жорий этиш назарда тутилади;
- аҳоли учун иссиқлик энергияси ва иссиқ сувга пасайтирилган тарифларни қўллаш натижасида кўриладиган зарарлар Қорақалпоғистон Республикасининг республика бюджети, вилоятлар ва Тошкент шаҳар маҳаллий бюджетлари ҳисобидан қопланади.
Муҳокама 5 февралга қадар давом этади.
Изоҳ (0)