Хитойда тарқалган янги турдаги 2019-nCoV вируси юқиши оқибатида пневоманияга чалиниб ҳалок бўлган одамлар сони 17 нафарга етди. Бу ҳақда Хубэй вилояти соғлиқни сақлаш масалалари бўйича қўмита раҳбари Ян Юньянь маълумотига асосланиб Reuters хабар берган. Касалликка чалинганлар сони 473 нафарга етган. Аввал вируснинг юқиши оқибатида 9 нафар одамнинг ўлгани хабар қилинганди.
Коронавируснинг янги тури Таиланд, Япония ва Жанубий Кореяда ҳам қайд қилинган. АҚШ ва Россияда ҳам ушбу хасталик белгиларига ўхшаш аломатлар кузатилган беморлар шифохонага ётқизилган.
2019 йилнинг 31 декабрь куни Хитой ҳукумати Жаҳон соғлиқни сақлаш ташкилоти (ЖССТ)га мамлакатнинг Ухан шаҳрида номаълум пневмония эпидемияси юзага келгани ҳақида хабар қилган эди. Касалланишнинг биринчи ҳолатини денгиз маҳсулотлари сотиладиган бозор билан боғлашмоқда. Жорий йилнинг 7 январида хитойлик мутахассислар касаллик қўзғатувчиси коронавирус 2019-nCoV эканини аниқлади. Ўзбекистон ТИВ Хитойда тарқалган вирус туфайли у ерга бормоқчи бўлган ўзбекистонликлар ва у ерда бўлиб турган фуқароларни эҳтиёткорликка чақирган. Ўзбекистон ССВ Хитойда тарқалган коронавирус туфайли чегарадаги санитар назоратни кучайтирганди.
Коронавирус хавфи туфайли Европанинг бир нечта компанияси охирги уч ҳафтада жиддий молиявий зарар кўрган. Хитойда коронавирус ҳақидаги маълумотларни яширган шахслар умрбод шарманда бўлишдан огоҳлантирилган, шунингдек, мамлакатда пластик пакет ва найчалардан фойдаланиш тақиқланган. Аввалига Хитойнинг Ухан шаҳрида оммавий туризм тақиқланди, кейинроқ Шимолий Корея коронавирус сабабли мамлакатга туристларнинг киришига тақиқ қўйган. Вирус сабаб Forbes’нинг энг бой одамлар рўйхатида етакчи алмашди.
Изоҳ (0)