Самарқанд вилоятида Жиноят кодексининг 169-моддаси 2-қисми «г» банди (Уй-жой, омборхона ёки бошқа хонага ғайриқонуний равишда кириб ўғрилик содир этиш) билан жиноят иши бўйича тергов ҳаракатлари олиб борилаётган вақтда яна бир жиноят фош бўлди.
ИИВ ҳузуридаги Тергов департаменти хабарига кўра, 17 январь куни тахминан соат 13:00 ларда, Пайариқ туманида истиқомат қилувчи фуқаронинг уйида ўтказилган тинтув жараёнида мато бўлагига ўралган 16,4 грамм опий (кўкнор) гиёҳвандлик воситаси ҳамда ётоқхонадаги сандиқнинг ичидан тегишли ҳисобга қўйилмаган, экспертиза хулосасига кўра отиш учун яроқли бўлган 1 дона «МС-20» русумли ўқотар қурол ва унинг 3 дона ўқларини қонунга хилоф равишда сақлаб келаётганлиги аниқланиб, тегишли тартибда ҳужжатлаштирган.
Мазкур ҳолат юзасидан Пайариқ тумани ИИБ ҳузуридаги Тергов бўлими томонидан Жиноят кодексининг 276-моддаси 1-қисми (Гиёвандлик воситалари ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) ва 248-моддаси 1-қисми (Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) билан жиноят иши қўзғатилган.
Дастлабки тергов ҳаракатлари олиб борилмоқда.
Изоҳ (0)