Тошкентда арзон нархда ер олиб беришни ваъда қилиб фуқаронинг 20 минг долларини ўзлаштирган шахсга жиноий иш қўзғатилди. Бу ҳақда ИИББ матбуот хизмати хабар берди.
11 январь куни Яккасарой тумани ИИО ФМБдан келиб тушган хабарга кўра, 2018 йилнинг 25 август кунидан 29 августга қадар 23 ёшли Ж.М. 35 ёшли Д.Р.нинг ишончига кириб, унга Миробод туманидаги 0,3 сотих ер майдонини арзон нархга сотиб олиб, расмийлаштириб беришни ваъда қилган.
Шу баҳона билан у Д.Р.дан 20 минг доллар олган, аммо ўз ваъдасида турмасдан, пулларни эҳтиёжига сарфлаб юборган.
Воқеа юзасидан Жиноят кодексининг 168-моддаси («Фирибгарлик») бўйича жиноий иш қўзғатилган. Ушбу жиноят учун базавий ҳисоблаш миқдорининг 50 бараваридан 100 бараваригача миқдорда жарима ёки 2 йилгача ахлоқ тузатиш ишлари ёки 1 йилдан 3 йилгача озодликни чеклаш ёхуд 3 йилгача озодликдан маҳрум қилиш жазоси белгиланган.
Изоҳ (0)