Футбол бўйича Ўзбекистон олимпия терма жамоаси бош мураббийи Любинко Друлович U-23 Осиё чемпионати чорак финалида Бирлашган Араб Амирликларига (5:1) қарши баҳсдан сўнг матбуот анжуманида ўйин ҳақидаги фикрлари билан бўлишди.
Мен бахтлиман. Жуда хурсандман. Ўйлашимча, жамоам катта иш бажарди. Ўйин аввалида дарвозабонимиз ажойиб сейв ижро этди. Кейин ҳисоб 1:1 бўлганда устунликни қўлга олдик.Эслатиб ўтамиз, Ўзбекистон терма жамоаси 22 январь, чоршанба куни финал йўлланмаси учун Саудия Арабистонига қарши баҳс олиб боради.Ўзбекистонда ички чемпионат ўйинлари ноябрда (Суперлига ўйинлари сўнгги тури 30 ноябрь—1 декабрь кунлари ўтказилган. «Дарё» ) тугаганди. Бу орада ўйинчилар озроқ дам олиб, кейин бир ойлик йиғинга киришди. Уларнинг жисмоний ҳолатини назорат қилиш қийин бўлди. Учрашувларда ҳам кучни тўғри тақсимлашга ҳаракат қилдик. Кейинчалик ҳам шундай ишлаймиз.
Гол ўтказиб юборган ҳолатимизда ҳам хотиржам эдим. Чунки шогирдларим гол ура олиш салоҳиятига ишонардим. Руҳан ва жисмонан бунга тайёр эдик. Айниқса ҳужумимиз бугун, албатта, гол уришига ишонч бор эди. Энди шу тариқа давом эттиришимиз керак.
Европа футболидан нимадир олиб кира олганмиз деб ўйлайман. Португалия футболида кўп ишладим. Менинг фалсафамга ҳужумкор футбол яқин. Ўзбекистон ҳам шундай ўйнайди. Ижрочилар ҳам бор. Бизда амалдаги чемпионлар бор. Уларнинг ишончли ўйини жуда муҳим ҳисобланади. Мана шундай жамоани шакллантриганимиздан жуда бахтлиман. Энди Саудия Арабистонидек кучли терма жамоа билан ўйнаймиз. Улар билан ўртоқлик ўйинида 2:2 ҳисобида дуранг қайд этганмиз. Уларда тикланиш учун бир кунга кўпроқ вақт бор. Аммо биз ҳам бу фарқни йўққа чиқаришга тайёр бўламиз
Любинко Друлович, Ўзбекистон олимпия терма жамоаси бош мураббийи
Изоҳ (0)