ОЧ—2020. Ўзбекистон — БАА 5:1. Барча голлар

1'. Учрашув бошланди!

1. Амирликлар ўйинни бошлаб берди ва олдинга ўтди. Амронинг зарбасини дарвозабонимиз эгаллаб олди

2. Вууууҳ! Амирликлар ҳужумчиси дарвозабони билан бирга-бир вазиятга чиқиб борди. Бахтимизга Неъматов зарбани қайтара олди

3. Зарбааа! Қанотдан узатилган тўпга Абдуҳолиқов боши билан зарба берди, уни дарвозабон майдон ташқарисига чиқариб юборди

7. Ғаниев рақиб посбони билан бирга бир вазиятга чиқиб борди, бироқ унинг зарбасини дарвозабон қайтаришга эришди

11. Учрашувда тўхталиш юзага келди, БАА футболчисига тиббий ёрдам кўрсатилди

13. Гол! Абдулла ал-Амири ҳисобни очди. Амири бир нечта ҳимоячиларимизни алдаб ўтиб, дарвозанинг узоқ бурчагини аниқ нишонга олди

16. ГОООООЛ! Илҳом Алижонов узоқ масофадан ажойиб зарба йўллаб, ҳисобни тенглаштирди

Ҳакам VARга мурожаат қилмоқда, бизнинг фойдамизга пенальти белгиланиши мумкин

26. ГООООООООООООООЛ! Ислом Қобилов 11 метрлик жарима зарбасини аниқ бажариб, жамоамизни олдинга олиб чиқди. Бу Исломнинг мусобақадаги 3-голи!

29. Хавфли вазият! Абдуҳолиқов жарима майдонига ёриб кирди, унинг зарбасини дарвозабон икки уринишда қайтаришга эришди

35. Қодирқулов жарима майдони яқинида рақиб футболчисини йиқитди ва бунинг учун шерикларини койимоқда. Зарбадан кейин тўп жонли девордаги футболчимизга тегиб майдонни тарк этди

39. Яхшибоев ўнг қанотда фаоллик кўрсатиб, тўпни жарима майдони ичига узатганди. Бироқ унга ҳеч ким зарба бера олмади

41. ГООООООООООООООООООООООООООЛ! БОЗОРООООООООООООВ! Ойбек супер зарба билан жамоамизнинг учинчи голини урди!

45. Ҳожиакбар ўнг қанотдан жарима майдонига ёриб кирди ва ўткир бурчакдан дарвоза томон зарба йўллади, бироқ зарба ноаниқ кетди

45. Биринчи бўлимга 3 дақиқа қўшиб берилди

45+3. Зарбааа! Бурчакдан узатилган тўпни Абдуҳолиқов боши билан дарвозага аниқ йўллаганди, бироқ дарвозабон жамоасини муқаррар голдан сақлаб қолди

45+4. Биринчи бўлим якунланди

***

46. Иккинчи бўлим бошланди

46. БАА тайм аввалида иккита ўзгаришга қўл урди

49. Рашид ал-Меҳрзи Ҳожиакбарга нисбатан ўта қўпол ўйнади ва сариқ карточкага лойиқ кўрилди

52. Ғаниев жарима зарбасини ижро этди, унинг йўллаган аниқ зарбасини дарвозабон эгаллаб олди

55. Вакилларимиз тезкор қарши ҳужумга ўтиб кетишганди, бироқ Қодирқулов ўзининг тушунарсиз ҳаракати билан ўта хавфли ҳужумни пучга чиқарди

59. Қодирқуловга тиббий ёрдам кўрсатилмоқда

61. БАА футболчилари жарима зарбаси ижро этди, уни ҳимоячилар майдон ташқарисига чиқариб юборди. Бурчак зарбасини Неъматов бартараф қилди

63. Вакилларимиз ажойиб комбинация билан рақиб жарима майдонига ёриб кирганди, бироқ ҳимоячилар тўпни қайтарди. Бизникилар қўл билан ўйналди дея ҳакамга мурожаат қилмоқда

64. Ўзбекистонда одатий ўзгариш: Бозоров ўрнига Нурилло Тўхтасинов тушди

65. Али Солиҳ майдон марказида футболчимизга нисбатан қўпол ўйнади. Футболчи тўпсиз курашда вакилимизга зарба берди, бироқ ҳакам сариқ билан чекланди

70. Хавфли вазият! Ғаниевнинг хатосидан кейин Амири жарима майдони ичида зарба берди, бироқ ноаниқ

71. Яхшибоев ўнг қанотдан ёриб кирди ва дарвозабонни ҳам албад ўтиб, зарба йўллади. Бироқ ҳимоячи сўнгги лаҳзада тўпни қайтаришга улгурди

72. Илҳом Алижонов рақиб ҳужумини тўхтатиб қолгани учун сариқ карточка олди

77. Ўзбекистонда иккинчи ўзгариш: Қодирқулов ўрнига Азиз Иброҳимов тушди

81. ЗАРБАААА! Ҳожиакбар Алижонов рақиб жарима майдони ичида кучли зарба ижро этди, бироқ тўп дарвоза устунига тегиб қайтди

83. Яна бир зарбааа! Ғаниев яна жаримадан тўғри дарвозани нишонга олди. Дарвозабон тўққиўликка кетаётган тўпни қайтаришга эришди

85. ГООООООООООЛ!!! Яхшибоев ажойиб комбинациядан кейин дарвозабон билан бирга-бир вазиятга чиқиб борди ва имкониядан унумли фойдаланди

88. Ўзбекистонда сўнгги ўзгариш: Ҳожиакбар Алижонов ўрнига Дилшод Саитов тушди

90. Иккинчи бўлимга 5 дақиқа қўшиб берилди

90+3. ГОООООЛ! Тўхтасинов ҳисобни 1:5 кўринишга келтирди. Яхшибоевнинг узатмасидан кейин Абдуҳаолиқов тўпни устидан ўтиб кетди, Нурилло эса яқин масофадан дарвозани ишғол қилди

90+6. Ўйин якунланди! Ўзбекистон ярим финалда!!!

Хавфли вазиятлар:

Футболда олдин кайфиятни кўтариб оламиз:)

-Хотин!
-Лаббай!
-Коса-товоқ, чойнак-пиёлани сал узоқроққа опқўй!
-Тинчликми?
-Ҳа, ҳозир футболчиларимиз ўйини бор...
😅

— Muslim Mirzajonov (@Roshidoniy) January 19, 2020

Ўзбек футболида 2019 йилнинг энг яхши журналисти деб топилган инсон эса ҳозирча Ўзбекистон — БАА учрашуви ҳақида сукут сақлашни маъқул кўрмоқда:)

Қўқонда Ашурматовга ёрдамчи бўлиб Даврон Файзиев ҳам ишларкан. Мда

— Herolion (@Aslanov_K) January 19, 2020

Ўзбек футболида агент сифатида танилган инсоннинг бугунги ўйин ҳақида фикри

Bugungi uchrashuv biz uchun qanchalik muhim bo'lsa, raqiblarimiz uchun ham shunchalik muhim. Arab shayhlari ham Taylandda o'yingga o'z "taraddudini" ko'rayotgan bo'lsa, ajab emas. Imkoniyatlarimizni 40/60 deb hisoblayman. Yigitlarga omad!

— Sanat Sharipov (@SanatSharipov) January 19, 2020

Таниқли шарҳловчи бир неча йил олдинги Ўзбекистон — БАА (2:3) учрашувини ёдга олди

2:0га енгаётганимизда, танаффусда кийим алмаштириш хонасига Абрамовни яқинлаштирмаслик керак:)

— Xayrulla Hamidov (@X_Hamidov) January 19, 2020

Учрашув бошланишига саноқли дақиқалар қолмоқда

Мухлислар фикри

https://twitter.com/troll_afandi/status/1218878922907176960

Асосий таркиблар билан танишинг:

БАА: Муҳаммад аш-Шамси, Муҳаммад Али ал-Маҳри, Халифа Муборак ал-Ҳаммади, Мажид Иброҳим Салим, Абдулла ал-Амири, Али Солиҳ Амро, Абдалла Рамазон Бекхит, Ҳассан ал-Ҳамади, Яҳё аш-Шариф, Мажид Рашид ал-Меҳрзи, Сайид Али Сувайдан.

Ўзбекистон: Абдувоҳид Неъматов, Илҳом Алижонов, Ҳусниддин Алиқулов, Ислом Қобилов, Ҳожиакбар Алижонов, Азиз Ғаниев, Абдулла Абдуллаев, Ойбек Бозоров, Санжар Қодирқулов, Жасур Яхшибоев, Бобур Абдухолиқов.

Ўзбекистон терма жамоаси футболчиларининг майдондаги жойлашуви