Futbol bo‘yicha O‘zbekiston olimpiya terma jamoasi bosh murabbiyi Lyubinko Drulovich U-23 Osiyo chempionati chorak finalida Birlashgan Arab Amirliklariga (5:1) qarshi bahsdan so‘ng matbuot anjumanida o‘yin haqidagi fikrlari bilan bo‘lishdi.
Men baxtliman. Juda xursandman. O‘ylashimcha, jamoam katta ish bajardi. O‘yin avvalida darvozabonimiz ajoyib seyv ijro etdi. Keyin hisob 1:1 bo‘lganda ustunlikni qo‘lga oldik.Eslatib o‘tamiz, O‘zbekiston terma jamoasi 22-yanvar, chorshanba kuni final yo‘llanmasi uchun Saudiya Arabistoniga qarshi bahs olib boradi.O‘zbekistonda ichki chempionat o‘yinlari noyabrda (Superliga o‘yinlari so‘nggi turi 30-noyabr—1-dekabr kunlari o‘tkazilgan. “Daryo” ) tugagandi. Bu orada o‘yinchilar ozroq dam olib, keyin bir oylik yig‘inga kirishdi. Ularning jismoniy holatini nazorat qilish qiyin bo‘ldi. Uchrashuvlarda ham kuchni to‘g‘ri taqsimlashga harakat qildik. Keyinchalik ham shunday ishlaymiz.
Gol o‘tkazib yuborgan holatimizda ham xotirjam edim. Chunki shogirdlarim gol ura olish salohiyatiga ishonardim. Ruhan va jismonan bunga tayyor edik. Ayniqsa hujumimiz bugun, albatta, gol urishiga ishonch bor edi. Endi shu tariqa davom ettirishimiz kerak.
Yevropa futbolidan nimadir olib kira olganmiz deb o‘ylayman. Portugaliya futbolida ko‘p ishladim. Mening falsafamga hujumkor futbol yaqin. O‘zbekiston ham shunday o‘ynaydi. Ijrochilar ham bor. Bizda amaldagi chempionlar bor. Ularning ishonchli o‘yini juda muhim hisoblanadi. Mana shunday jamoani shakllantriganimizdan juda baxtliman. Endi Saudiya Arabistonidek kuchli terma jamoa bilan o‘ynaymiz. Ular bilan o‘rtoqlik o‘yinida 2:2 hisobida durang qayd etganmiz. Ularda tiklanish uchun bir kunga ko‘proq vaqt bor. Ammo biz ham bu farqni yo‘qqa chiqarishga tayyor bo‘lamiz
Lyubinko Drulovich, O‘zbekiston olimpiya terma jamoasi bosh murabbiyi
Izoh (0)