Россиянинг Тошкентдаги элчихонаси Twitter саҳифасида Ўзбекистонга ташриф буюрган Россия Ташқи ишлар вазири вазифасини бажарувчи Сергей Лавровнинг кечки овқати сурати жойлаштирилди.
«Тошкентда вазир учун лағмон тайёрланди — Сергей Викторовичнинг севимли таоми. Ўзбекча юмшоқ куч амалда», дейилади элчихона твитида.
Сергей Лавров 15 январь куни Тошкентга келди. Унинг Тошкентга расмий ташрифи санаси 12—13 январга режалаштирилган эди. Аммо халқаро тадбирлар жадвалидаги айрим ўзгаришлар сабабли Россия ташқи ишлар вазирининг 15—16 январга кўчирилган.
Ташриф дастуридан Ташқи ишлар вазирлигида музокара ўтказиш ва Москва давлат халқаро муносабатлар институтининг Тошкент шаҳридаги филиалига бориш кўзда тутилган.
Музокаралар давомида икки томонлама сиёсий, савдо-иқтисодий ва маданий-гуманитар ҳамкорликнинг қатор масалалари муҳокама қилинади. Ташқи ишлар вазирликлари ўртасида 2020—2021 йилларга мўлжалланган Ҳамкорлик дастурини имзолаш режалаштирилган.
Изоҳ (0)