Нукус шаҳри марказида Ўзбекистон ва Қорақалпоғистон Республикалари давлат байроқлари ўрнатилган майдон олдида «Ватанпарварлик — миллий юксалиш кафолати!» шиори остида ватанпарварлик фестивали ташкил этилди. Бу ҳақда «Дарё»га Шимоли-ғарбий ҳарбий округ матбуот хизмати маълум қилди.
Фестивалда ўқувчи ва талабалар, кенг жамоатчилик иштирок этди.
Шимоли-ғарбий ҳарбий округ қўшинлари қўмондонининг ўринбосари полковник Шавкат Эшчанов фестивални очар экан, Қуролли Кучларда олиб борилаётган изчил ислоҳотлар сабаб миллий армия ёшлар учун чинакам мардлик, матонат ва жасорат мактабига айланганини таъкидлади.
Ҳарбий техника ва қурол-аслаҳа намуналарининг намойиши, ҳарбий хизматчиларнинг кўргазмали чиқишлари, ҳарбий оркестр ва таниқли эстрада хонандаларининг куй ва қўшиқлари йиғилганларга байрам шукуҳини улашди.
Дала ошхонаси мажмуасида тайёрланган ҳарбийча тушлик иштирокчиларнинг таҳсинига сазовор бўлди.
Изоҳ (0)