Халқаро пресс-клуб модератори Ғулом Самадов 15 январь, душанба куни Тошкент вилоятида жойлашган «Амирсой» тоғ-чанғи курортида Халқаро пресс-клубнинг навбатдаги сайёр сессиясида ўзбекистонликлар кўп ахлат ташлаётганини айтди.
«Биз кўп гўшт емоқдамиз», «Биз кўп сув ичмоқдамиз» — деган фикрлар ижтимоий тармоқларда хайп бўлди. Майли, хайп бўлса ҳам айтишим керак, биз кўп ахлат ташламоқдамиз», — деган у.
Эслатиб ўтамиз, 2019 йилнинг 10 сентябрь куни журналистлар билан бўлиб ўтган очиқ мулоқотда Фермерлар кенгаши раиси Актам Ҳайитов ўзбекистонликлар жуда кўп гўшт истеъмол қилаётганини, бу эса ўз навбатида, гўшт нархининг ошишига сабаблардан бири эканини таъкидлаган эди.
Энергетика вазирлиги тизимидаги жамият бош бошқармаси бошлиғи Абдурашид Мирзаев эса шу йилнинг 11 сентябрида журналистлар билан бўлиб ўтган мулоқотда истеъмол маданияти ҳақида гапириб, ўзбекистонликлар жуда ҳам кўп электр энергияси истеъмол қилаётганини билдирган.
Қишлоқ хўжалиги вазири Жамшид Хўжаев Ўзбекистонда қишлоқ хўжалигини ривожлантиришнинг 2020—2030 йилларга мўлжалланган стратегияси лойиҳаси тақдимотига бағишланган 14 сентябрь кунги учрашувда «Арзон бўлгани учун сувни кўп ишлатяпмиз ва исроф қиляпмиз», деб айтган эди.
Изоҳ (0)