Депутатлар сайлов арафасида берган ваъдаларини бажариши керак, «сайландим, иш битди» деган тушунча билан қолиб кетмаслик керак. Бу ҳақда халқ депутатлари Тошкент шаҳар кенгаши депутати, кенгашнинг Регламент ва депутатлик одоби масалалари бўйича доимий комиссияси раиси Рустам Калонов айтиб ўтди, дея хабар бермоқда «Дарё» мухбири Мусулмонбек Иброҳимов.
Депутат Калоновнинг таъкидлашича, 2019 йилги парламент сайловлари курашларга бой бўлгани ва ўзига хос мураккаб кечгани билан аввалги жараёнлардан фарқ қилган.
Мавзуга доир: ЎзЛиДеПни бир жинсли никоҳларни қўллашда айблаган депутат Тошкентнинг Депутатлик одоби комиссиясига раис бўлди
Кўп сайловларда қатнашганман, лекин бу галги сайловлар осон бўлгани йўқ. Олий Мажлис Қонунчилик палатаси депутатлигига бўлган жараёнларни қўя туринг, халқ депутатлари Тошкент шаҳар кенгашига депутатлиги учун кураш ҳам мураккаб кечди.Президентимиз шундай донолик билан халқ билан уйма-уй юриб мулоқот қилиш комиссияларини тузган эканлар, сайловчилар билан учрашувларда жуда асқотди. Сайловчилар билан учрашувларда кўп қатнашдим. Шунақанги қўчқор аёлларимиз бор эканки, «юз-кўзингни ўйиб оламан» дейди.
Депутатликка сайланганларнинг бари сайловчилар билан учрашувларда ваъдалар берган. Энди шу ваъдаларни бажармоқ керак. Халқда «овоз олди, шу билан тамом, бўлди», деган тасаввур пайдо бўлмасин.
Рустам Калонов, халқ депутатлари Тошкент шаҳар кенгаши депутати
Изоҳ (0)