Алоҳида қайд этишларича, 1985 йилда туғилган Наримон Григоряннинг мурдасида қотиллик аломатлари бўлган. Ҳолат юзасидан шу куннинг ўзида Яшнобод туман прокуратураси томонидан Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилган.
«Жиноят иши Тошкент шаҳар прокуратураси иш юритувига олиниб, малакали терговчиларидан иборат тезкор-тергов гуруҳи тузилиб, жиноятни фош этиш чоралари кўрилмоқда. Натижаси ҳақида қўшимча ахборот берилиши таъминланади», — дея қўшимча қилди Бош прокуратура матбуот котиби.
Наримон Григорян ўзбекистонлик таниқли дизайнер, халқаро мода намойишлари, танловлари ва фестиваллари иштирокчиси эди. У 2004—2008 йилларда Ўзбекистон рақс академиясида таҳсил олган. У Тошкентда Nariman Grigoryan бренди остидаги мода уйларига эгалик қиларди.
Қўшимча қилишларича, у ўз вақтида «Тодес» гуруҳи сафида ижод қилган, халқаро рақс танловларида Ўзбекистондан ягона ҳакам сифатида иштирок этиб келарди.
Изоҳ (0)