Ўзбекистонда водород пероксидини ишлаб чиқарувчи завод қурилади

Ўзбекистонда водород пероксиди ишлаб чиқариш бўйича заводни қуриш бўйича янги лойиҳага старт берилди. Энергетика вазирлигидан маълум қилишларича, лойиҳа «Uzbekistan Hydrogen Peroxide» қўшма корхонаси томонидан амалга оширилмоқда.

Завод йилига 50 минг тонна маҳсулот ишлаб чиқаради. Қайд этилишича, лойиҳанинг амалга оширилиши Ўзбекистонда водород пероксиди импортининг ўрнини тўлиқ босишга хизмат қилади.

«Ушбу маҳсулотга тиббиёт, тўқимачилик, целлюлоза-қоғоз ва тоғ-кон саноатларида, оқова сувлари аэрацияси корхоналарида, озиқ-овқат маҳсулотларига қайта ишлов бериш, чиқиндиларга ишлов бериш соҳаларида талаб катта», — дейилади вазирлик ахборотида.

Лойиҳага сарфланадиган инвестицияларнинг умумий ҳажми 40 миллион доллари бўлиб, у икки босқичда амалга оширилади:

• биринчи босқичда — водород пероксиди(N2О2) ишлаб чиқариш заводини қурилади;
• иккинчи босқичда — перкарбонат натрий (Nа2CО31,5H2О2) ишлаб чиқариш бўйича завод қурилади;