Теҳрон яқинидаги авиаҳалокат қурбони бўлган украиналик стюардесса Валерия Овчарукнинг Instagram’га жойлаштирган охирги фотоси тармоқ фойдаланувчиларини тўлқинлантириб юборди.
Улар Украинанинг Boeing 737 самолёти борт кузатувчиси аккаунтидаги сўнгги матн остида кўплаб изоҳлар қолдирган.
«Ишимни жуда ҳам яхши кўраман», — дейилган 21 декабрь куни жойлаштирилган ва Таиланд пойтахти Бангкокда олингани қайд этилган суратда.
Фойдаланувчилардан бири «Гўзал қиз экан, кўп йиллар яшаса бўлар эди», дея изоҳ қолдирган бўлса, яна бири «Ё Худойим, ёшларнинг жони узилгани қанчалик ачинарли», деб афсус билдирган.
Изоҳ (0)