Эрон Украинанинг Boeing 737 самолётининг Теҳрон ракетаси билан уриб туширилгани ҳақидаги маълумотни «психологик уруш» деб ҳисоблайди. Бу ҳақда Эрон ҳукуматининг расмий вакили Али Робиийнинг сўзларига асосланиб «Коммерсантъ» хабар берди.
«Теҳрон авиаҳалокат оқибатларини ўрганишда фуқаролари ҳалок бўлган мамлакатлар вакиллари иштирокини қўллаб-қувватлайди, шунингдек, Boeing’дан жараёнда иштирок этиши учун ўз вакилини юборишини сўрайди», — дейди Робиий.
Эрон фуқаро авиацияси ташкилоти раҳбари самолётнинг ракета билан тўқнашуви оқибатида қулаганини яна бир бор инкор этди. У самолёт ёнидан ракета бўлаклари топилгани ҳақидаги маълумотни ҳам рад этди.
Маълумот учун, 8 январь куни Эронда Украинанинг бортида 176 киши бўлган Boeing самолёти қулади. Ҳалокат оқибатида лайнернинг барча йўловчилари ҳалок бўлди.
Аввалроқ Украина миллий хавфсизлик кенгаши Теҳронда қулаган Boeing самолётининг ҳалокати сабаблари сифатида теракт, ракета ҳужуми ёки двигателнинг техник сабабларга кўра портлаб кетишини кўрсатган эди.
АҚШ президенти Дональд Трамп самолётнинг техник носоз бўлганига ишонмаяпти.
Пентагон эса Эроннинг Украина Boeing’ини тасодифан зенит ракетасида уриб туширган деб ҳисобламоқда. Канада бош вазири Жастин Трюдо ҳам шундай фикрда.
Мавзуга доир:
- Эронда Украинанинг Boeing самолёти қулади. Унинг бортида 180 киши бўлган
- ОАВ: Эронда қулаган Украина самолётининг барча йўловчилари ҳалок бўлган
- Украина Boeing самолёти қулашига теракт ёки ракета ҳужуми сабаб бўлганини тахмин қилди
- «Кимдир хато қилган бўлиши мумкин». Трамп Эронда қулаб тушган Украина самолёти техник носоз бўлганига ишонмаяпти (видео)
- Пентагон Эроннинг Украина Boeing’ини тасодифан зенит ракетасида уриб туширган деб ҳисобламоқда
- Видео: Эронда Украина самолётига берилган эҳтимолий ракета зарбаси
- Канада бош вазири Украина самолётини Эрон ракетаси уриб туширганини маълум қилди
Изоҳ (0)