Тошкент шаҳрининг Буюк ипак йўли ва Хирмонтепа кўчаларининг кесишмасида пиёдалар учун йўлак ва замонавий светофор ўрнатилган тўлақонли чорраҳа очилди, деб хабар беради «Gazeta.uz».
Чорраҳанинг очилиши нафақат ҳайдовчилар, балки ўнлаб йиллар давомида ҳаётини хавф остига қўйиб мазкур кўчани кесиб ўтишга мажбур бўлган пиёдалар учун ҳам анча қулайлик яратади.
Чорраҳадаги қурилиш ишлари ҳали тўлиқ якунига етмади — ўтиш йўлларига тротуарлар ётқизилиши керак, шунга қарамай одамлар «зебра»дан фаол фойдаланишга тушиб кетган.
«Сариқ ‘зебра’ларда иложи борича воз кечмоқ керак, чунки уни кўриш қийин, ўтиш йўлини сирпанчиқ қилиб қўяди ва бўёққа кетадиган сарф-харажати ҳам икки баробар кўпроқ», — дейилади хабарда.
Изоҳ (0)