Жиззах вилоятининг Ғаллаорол туманида бир оиланинг 4 аъзоси ис газидан заҳарланиш оқибатида вафот этди, деб хабар беради Соғлиқни сақлаш вазирлиги матбуот хизмати.
«Бугун соат 14:04 атрофида Ғаллаорол туман тиббиёт бирлашмаси тез тиббий ёрдам бўлимига тумандаги Кўкгумбаз МФЙ қарашли Қоронғул қишлоғида яшовчи, 1987 йилда туғилган Д.Ш. хонадонига чақириқ қайд этилган.
Тез тиббий ёрдам бригадаси воқеа жойига зудлик билан етиб борганида оила аъзолари, хонадон соҳиби Д.Ш, унинг турмуш ўртоғи, 1987 йилда туғилган Н.Ш, 6 ёшли ўғли А.Й. ҳамда 3 ёшли қизи О.Й.да биологик ўлим аниқланган. Уларни бирламчи текширувдан ўтказилганда ‘ис газидан ўткир заҳарланиш’ дастлабки ташхиси қўйилган», — дейилади хабарда.
Мазкур ҳолат юзасидан ҳуқуқни муҳофаза қилувчи идоралар томонидан суриштирув ишлари олиб борилмоқда.
Изоҳ (0)