Таиландда 23 ёшли футболчилар ўртасида 8 январь, чоршанба куни Осиё Чемпионати—2020 мусобақаси старт олади.
Тарихда тўртинчи бор ўтказилаётган мазкур мусобақада Ўзбекистон терма жамоаси ҳам иштирок этади. Бу сафар ўзбекистонликлар амалдаги чемпион мақомида мусобақада қатнашади.
Жами 16 жамоа тўртта гуруҳга бўлинган ҳолда кураш олиб боради, якунда учта совринли ўринларни қўлга киритган жамоалар Токио—2020 Олимпиадасига йўлланмани қўлга киритади.
Ўзбекистон У23 терма жамоаси C гуруҳидан жой олган ва чорак финал йўлланмаси учун Жанубий Корея, Хитой ва Эрон олимпия терма жамоалари билан кураш олиб боради.
8 январь куни, Тошкент вақти билан 15:15 да бошланадиган Таиланд — Баҳрайн учрашуви мусобақани очиб беради. Любинко Друлович шогирдлари эса ўз юришларини 9 январь, пайшанба куни Эронга қарши баҳс билан бошлайди.
Қуйида Ўзбекистон У23 терма жамоаси иштирок этадиган гуруҳдаги ўйинлар анонси билан танишинг:
У23 Осиё чемпионати—2020
Гуруҳ баҳслари
9 январь, пайшанба
15:15. Ўзбекистон — Эрон
18:15. Жанубий Корея — Хитой12 январь, якшанба
15:15. Эрон — Жанубий Корея
18:15. Хитой — Ўзбекистон
15 январь, чоршанба18:15. Ўзбекистон — Жанубий Корея
18:15. Хитой — ЭронЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)