Андижон вилояти, Бўстон тумани ИИБга (собиқ Бўз тумани) «Дўстлик» МФЙда яшовчи фуқаро Ж.И. ариза билан мурожаат қилиб, шу йилнинг 5 январига ўтар кечаси каптарлари ўғирлаб кетилгани ҳақида маълум қилди. Бу ҳақда вилоят ИИБ ахборот хизмати хабар бермоқда.
Мурожаатда номаълум шахс томонидан ҳовлида бўлган умумий нархи 1 800 000 сўмлик 12 дона каптар ўғирлаб кетилганлиги билдирилган. Олиб борилган тезкор чоралар натижасида номаълум шахс аниқланиб ушланди.
У Наманган вилоятида яшовчи фуқаро У.И. бўлиб чиқди. У.И.дан ашёвий далил сифатида 12 дона кабутар олинган.
Мазкур ҳолат юзасидан терговга қадар текширувни Бўстон тумани ИИБ олиб бормоқда.
Изоҳ (0)