Олий Мажлиси Қонунчилик палатасига сайлов ўтказувчи 25 та Сайлов округларидаги 1730 та сайлов участкасида такрорий овоз бериш жараёни ўтказилади. Бу ҳақда 5 январь куни Халқаро матбуот марказида бўлиб ўтган брифингда Марказий сайлов комиссияси раиси Мирзо Улуғбек Абдусаломов маълум қилди, дея хабар бермоқда «Дарё» мухбири Мусулмонбек Иброҳимов.
Эслатиб ўтамиз, 22 декабрь куни бўлиб ўтган сайлов якунларига кўра, 22 та сайлов округида бирорта ҳам номзод берилган овозларнинг ярмидан кўпини тўплай олмаган, учта сайлов округида эса сайлов натижаларини аниқлашда арифметик хатога йўл қўйилгани боис энг кўп овоз олган икки номзод иккинчи турга қолган эди.
Бугун Ўзбекистон Республикаси Олий Мажлиси Қонунчилик палатасига сайлов ўтказувчи 25 та Сайлов округларидаги 1730 та сайлов участкасида такрорий овоз бериш жараёни ўтказилади.Ушбу округлардаги сайловчилар сони 3 миллион 148 минг 921 нафарни ташкил этади.
Шунингдек, Халқ депутатлари вилоят кенгашларига сайлов ўтказувчи 95 та Сайлов округидаги 1104 та сайлов участкасида ҳамда Халқ депутатлари туман ва шаҳар кенгашларига сайлов ўтказувчи 587 та Сайлов округидаги 1117 та сайлов участкасида такрорий овоз бериш бўлиб ўтади.
Овоз бериш жараёнлари бошлангандан соат 11:00 га қадар сайлов жараёнларида қонун бузилиш ҳолатлари бўйича маълумот келиб тушмади.
Мирзо Улуғбек Абдусаломов, Марказий сайлов комиссияси раиси
Изоҳ (0)