Ўзбекистон Миллий гвардияси қўмондонлиги ўтган 2019 йил давомида тизимда амалга оширилган бир қатор ислоҳотлар ва янгиликларга бағишланган йил якунлари бўйича йиғилиш ўтказди. Миллий гвардия матбуот хизматининг хабар беришича, унда самарали ҳамкорлик қилганлиги учун бир қатор ҳамкор вазирлик ва идоралар вакиллари мукофотланди.
Хусусан, тадбир давомида Ўзбекистон Миллий гвардияси қўмондони Баҳодир Тошматов томонидан Ўзбекистон халқ артисти, Ўзбекистон маданият вазирининг биринчи ўринбосари Озодбек Назарбековга Миллий гвардия қўмондони томонидан ташаккурнома ва эсдалик совғалари топширилган.
Ташаккурнома Озодбек Назарбеков шахсий таркибнинг жанговар ва ватанпарварлик руҳини кучайтиришга, Ватан ҳимоячиларининг она юртга муҳаббат туйғуларини оширишга хизмат қилувчи маънавий-маърифий ишлар ҳамда тадбирларни ташкил этиш ва ўтказиш ишларига катта ҳисса қўшгани учун берилган.
Изоҳ (0)