Андижон вилоят маъмурий суди кассация инстанциясининг 4 январь куни бўлиб ўтган очиқ суд мажлисида фуқаро Абдуфатто Нуритдинов (блогер Отабек Нуритдинов)га нисбатан чиқарилган 15 сутка маъмурий қамоқ жазоси ўзгаришсиз қолдирилгани ҳақида аввал хабар берилган эди.
Олий суд матбуот хизматидан маълум қилишларича, суд Абдуфатто Нуритдиновнинг кассация тартибида берилган шикоятини рад қилиб, қаноатлантирилмасдан қолдириш ва Андижон вилоят маъмурий суди томонидан 30 декабрдаги унга нисбатан чиқарилган қарорни ўзгаришсиз қолдириш ҳақида қарор қабул қилган.
Суд мажлисидан сўнг «Kun.uz» нашрига интервью бераркан, Нуритдиновнинг адвокати Умидбек Давлатов судда процессуал қоидабузарликлар жуда кўп бўлганини таъкидлади.Судьядан маъмурий ишни бутунлай,.. биринчи инстанция судининг чиқарган маъмурий қарорини бекор қилиб, ишни ҳаракатдан тугатиб, Абдуфатто Нуритдинов устидан ариза ёзганларга нисбатан қонуний чора — туҳмат билан ариза ёзганлиги учун қонуний чора кўришни талаб қилдим. Буни асослаб ҳам бердим, мана, шунча гувоҳ — судья буни инобатга олмади. Бу ерда процессуал қоидабузарликлар жуда кўп бўлди.Аввалроқ, 30 декабрь куни Андижон вилоят маъмурий судининг очиқ суд мажлисида Асака туман ИИБ томонидан фуқаро Абдуфатто Нуритдинов (блогер Отабек Нуритдинов)га оид Маъмурий жавобгарлик тўғрисидаги кодекснинг 40-моддаси (туҳмат), 41-моддаси (ҳақорат) ва 183-моддаси (майда безорилик) билан юритилган маъмурий иш кўриб чиқилгани ҳақида хабар берилган эди.Биринчидан, суд мажлиси очиқ деб эълон қилинди, очиқ деб эълон қилиниши билан судья ўзининг кимлигини, суд таркибини таништирмай туриб, видеокамерани киритиш бўйича илтимосноманинг муҳокамасига ўтиб кетди. Ундан сўнг мен ўзим: «Исм-фамилиянгизни ёзиб қўяй», деганимдан кейингина у ўзининг шахси тўғрисида маълумот берди. Процессуал қоидабузарликлар жуда кўп, бу қонун бўйича қабул қилинган суд қарорининг бекор бўлишига 100 фоизлик асос бўлади.
Кейинги ҳаракатимиз — суд қарорини олганимиздан сўнг, Ўзбекистон Олий судининг Маъмурий ишлар бўйича судлов ҳайъатига назорат тартибида шикоят билдириш. Суд ажримини қўлимизга олишимиз билан ҳаракатни бошлаймиз.
Умидбек Давлатов, блогер Абдуфатто Нуритдиновнинг адвокати
Суд қарорига кўра, Абдуфатто Нуритдинов Маъмурий жавобгарлик тўғрисидаги кодексининг 40-моддаси, 41-моддаси ва 183-моддасида назарда тутилган ҳуқуқбузарликларни содир этганликда айбли деб топилиб, унга Маъмурий жавобгарлик тўғрисидаги кодекснинг 34-моддаси тартибида узил-кесил ўташ учун 15 сутка маъмурий қамоқ жазоси тайинланган эди.
Мавзуга доир:
- ИИВ 15 суткага қамалган блогер Отабек Нуритдинов иши юзасидан муносабат билдирди
- АОКА 15 суткага қамалган андижонлик блогер иши юзасидан муносабат билдирди
- Олий суд блогер Отабек Нуритдинов иши бўйича баёнот берди
- Андижон вилояти ҳокимлиги матбуот хизмати 15 суткага қамалган блогер иши бўйича баёнот берди (видео)
- Андижонда блогер туҳмат, ҳақорат ва безориликда айбланиб, 15 суткага қамалди
Изоҳ (0)