2019 йилда энг кўп томошабин кирган футбол учрашувлари маълум бўлди
Transfermarkt портали 2019 йилда энг кўп томошабин ташриф буюрган ўнта футбол учрашувини маълум қилди.
Биринчи ўринни Европа Чемпионлар Лигасининг 2018/19 йилги мавсуми илк ярим финалидан ўрин олган «Барселона» — «Ливерпуль» учрашуви қўлга киритди. «Камп Ноу»да бўлиб ўтган мазкур ўйинга 98 299 томошабин ташриф буюрганди.
Жанубий Африка Республикасида ўтган «Кайзер Чифс» — «Орландо Пайрец» учрашуви эса 88 минг мухлис билан иккинчи поғонадан жой олган. Кучли учликни «Манчестер Сити» ва «Уотфорд» ўртасидаги (85 854) Англия Кубоги финали якунлаб берган.
- «Барселона» — «Ливерпуль» («Камп Ноу», Барселона, 1 май) — 98 299 томошабин
- «Кайзер Чифс» — «Орландо Пайрец» («Соккер Сити», Ёҳаннесбург, 9 ноябрь) — 88 000
- «Манчестер Сити» — «Уотфорд» («Уэмбли», Лондон, 18 май) — 85 854
- «Боруссия Дортмунд» иштирокидаги бир нечта ўйин («Сигнал Идуна Парк», Дортмунд) — 81 365
- «Реал» — «Барселона» («Сантьяго Бернабеу», Мадрид, 27 февраль) — 80 472
- «Персеполис» иштирокидаги бир нечта ўйин («Озоди», Теҳрон) — 80 000
- Франция — Албания ( «Стад де Франс», Сен-Дэни, 7 сентябрь) — 78 000
- «Милан» — «Интер» («Сан-Сиро», Милан, 17 март) — 77 749
- «Бавария» иштирокидаги бир нечта ўйин («Альянц Арена», Мюнхен) — 75 000
- «Ҳерта» — «Боруссия» Д («Олимпия стадиони», Берлин, 16 март) — 74 667.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ
Кириш
Asosiy yangiliklar
