Эрон ташқи ишлар вазири Жавад Зариф Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони генерал Қосим Сулаймонийнинг ўлдирилишини АҚШ томонидан амалга оширилган террорчилик акти дея баҳолади. Бу ҳақда «Коммерсантъ» хабар берди.
Сулаймоний АҚШ президенти Дональд Трамп фармойишига асосан Боғдод аэропорти яқинига берилган авиазарба оқибатида ҳалок бўлганди. Шунингдек, яна етти киши, жумладан, Ироқ халқ кўнгиллилари аъзолари ҳам ҳалок бўлган.
«ИШИД, ‘Ал-Нусра’ ва ‘Ал-Қоида’ каби террорчилик гуруҳлари билан курашиш йўлида самарали ҳисобланган генерал Сулаймонийнинг ўлдирилиши АҚШнинг халқаро террорчилик акти бўлиб, фавқулодда хавфли ва чуқур эскалация ҳисобланади», — дейди Эрон ТИВ раҳбари. Вазирнинг таъкидлашича, АҚШ ўзининг «фирибгарона қалтис ишларига» жавоб беради.
Мавзуга доир:
Изоҳ (0)