31 декабрь куни Tashkent City’да дронлар шоуси ўтказилади. Бу ҳақда ЎзА хабар бермоқда.
Фото: ЎзА
«Давергеодезкадастр» қўмитаси ташаббуси билан Тошкент шаҳар ҳокимлиги ҳамкорлигида ўтказилаётган томоша Янги йил байрами муносабати билан ташкил этилган.
Қўмита матбуот хизматига кўра, 20:00 дан кейин бошланиши режалаштирилаётган шоуда 250 та дроннинг парвози назарда тутилган бўлиб, бундай йирик кўламли томоша Марказий Осиёда илк маротаба ташкил этилди.
Дронлар 150 метр баландликда ва 250 метр кенгликда ҳаракатланади. Мазкур дронлар 2019 йил декабрь ойида «Давергеодезкадастр» қўмитаси томонидан Хитойдан олиб келинган бўлиб, уларнинг сони бугунги кунда 300 тани ташкил этади.
Келгусида уларнинг сонини 1000 тага етказиш режалаштирилган. Дронлар яқин йилларда Ўзбекистонда ҳам ишлаб чиқарила бошланади.
Изоҳ (0)