Artel компанияси барчангизни кириб келаётган янги 2020 йил билан самимий муборакбод этади. Сизга узоқ умр, сиҳат-саломатлик тилайди. Хонадонингиздан қут-барака, тўкин-сочинлик, юзингиздан эса табассум ҳеч қачон аримасин. Янги йил барчангизга янги зафарлар, янги ғоялар, кўпдан кўп бахт-қувончга тўла онлар ва ёқимли таассуротлар олиб келишини тилаб қолади.
Янги йил юртимиздаги энг оилавий байрамлардан биридир. Бу кун нафақат жажжи болакайлар, балки катталар учун ҳам мўъжизаларга бой.
Болалигингизни эсланг. Митти болакай бўла туриб яқинларингизнинг байрамона тайёргарликларини эслайсизми? Ойижонингиз турли мазали янги йил таомларини тайёрлаганини, дадажонингиз эса хонадонингизни янги йил безаклари билан безаганиничи? Сизга кичик топшириқ беришганида, бу топшириққа қандай масъулият билан ёндашганингизни, уни муваффақият билан бажаргандан кейин эса ота-онангиз айтган мақтов сўзларини эслайсизми?
Янги йил ҳақиқатан ҳам мўъжизалар пайти. Аммо ҳақиқий мўъжиза бу рўёбга ошган орзулар ҳам эмас. Янги йилнинг энг катта мўъжизаси бу – байрамона дастурхон атрофида йиғилган бахтли оила. Мўъжиза бу шириндан-ширин таомлар пиширадиган ойижонларимиз, хонадонни, арчани ёрқин чироқлар билан безатадиган дадажонларимиз, ота-онасига ёрдам беришга шай турадиган жажжи болажонларимиз. Оилаларимиздаги бахт, қувонч, шодлик ҳислари – ҳақиқий ва энг катта мўъжизадир.
Artel компанияси хонадонингизга бахт, оилангизга эса кичик ёрдамчилардан тилайди. Ҳаётингиз доимо шодлик ва қувончга тўла бўлсин. Барча орзу ниятларингиз, эгу тилакларингиз Янги йилда амалга ошишини тилаб қолади. Янги йил муборак, азиз дўстлар!
Реклама ҳуқуқи асосида.
Изоҳ (0)