25 декабрь куни «Ўзбекозиқовқатхолдинг» компанияси томонидан Тошкент вилоятидаги гўшт ва гўшт маҳсулотлари ишлаб чиқаришга ихтисослашган «Мастер Деликатесов», «ПроМеат» масъулияти чекланган жамиятларига пресс-тур ташкил этилди.
Гўшт ва гўшт маҳсулотлари ишлаб чиқариш озиқ-овқат саноатининг муҳим тармоқларидан ҳисобланади. Маълумотларга кўра, бугунги кунда мамлакатимизда йилига 200 минг тоннадан зиёд гўштни қайта ишлаш қувватига эга 381 та корхона фаолият кўрсатмоқда.
«Ўзбекозиқовқатхолдинг» мисолида олинса, айни вақтда компания таркибида жами 400 дан ошиқ корхона мавжуд бўлиб, уларнинг 24 таси колбаса ва гўшт маҳсулотлари ишлаб чиқаришга ихтисослашган. Мазкур корхоналар «Розметов», «Теген», «МД» каби брендлар остида ўз маҳсулотларини истеъмол бозорига чиқармоқда.
Сир эмас, мамлакатимизда гўшт ва қайта ишланган гўшт маҳсулотлари таннархи бошқа истеъмол маҳсулотлари таннархига нисбатан юқори. Бу озуқа-ем маҳсулотлари таннархининг юқорилиги, озуқа-ем етиштириш учун ер майдонларининг етишмаслиги, жойларда чорвачилик маҳсулотлари етиштириш ва қайта ишлаш комплексларининг етарлича ривожланмагани билан боғлиқ. Мазкур муаммоларга ечим топиш тармоқнинг кластерлашуви, бир хил ёки бир-бирига боғлиқ соҳаларида фаолият юритадиган ва географик жиҳатдан бир-бирига яқин бўлган корхоналар ҳамкорлигини йўлга қўйишни ҳам тақозо этади.
Эътиборлиси, «Ўзбекозиқовқатхолдинг» таркибидаги гўшт маҳсулотлари ишлаб чиқарувчи корхоналар ана шундай самарали усуллардан фойдаланмоқда. Тошкент вилоятида фаолият кўрсатаётган «Мастер Деликатесов» ва «ПроМеат» масъулияти чекланган жамиятлари бунга яққол мисолдир.
«Мастер Деликатесов» масъулияти чекланган жамияти 2003 йилда ташкил топган бўлиб, фаолиятининг илк босқичларида асосан 10 хил турдаги маҳсулот ишлаб чиқарган. Бугунги кунда корхонада Германия, Австрия ва Беларусь давлатларидан келтирилган замонавий ускуналар ёрдамида 150 хилдан ортик колбаса ва гўшт маҳсулотлари ишлаб чиқарилмоқда.
Аҳолини янги, сифатли маҳсулот билан доимий равишда таъминлаб бориш мақсадида Тошкент шаҳар ҳудудида франчайзинг асосида 33 та махсус савдо дўконлари фаолият олиб бормоқда. Бундан ташқари, республикамиз ҳудудида, жумладан Навоий, Бухоро, Қашқадарё, Наманган ва Фарғона вилоятларининг йирик савдо мажмуаларига ҳам корхона маҳсулотлари етказилиб берилади.
Корхона сифат менежменти тизими ИСО/ИЭC 9001:2009 ҳамда Озиқ-овқат маҳсулотлари хавфсизлигининг менежмент тизими ИСО/ИЭC 22000:2005 талаблари бўйича сертификатлаштирилган.
«ПроМеат» масъулияти чекланган жамияти 2018 йилда ташкил этилган бўлиб, мазкур корхона йилига 3000 бош қорамолни «Феедлот» (очиқ боқув майдони) технологияси асосида бўрдоқичиликка боқиш қувватига эга. Ўзбекистонда ягона саналган ушбу технологияни жорий этишга Даирй Глобал Эхперц хорижий компанияси ёрдам берган.
Корхонанинг ем-ҳашак етиштиришга мўлжалланган ўз экин майдони бор. Замонавий қушхонаси мавжуд.
Бугунги кунда корхона нафақат «Мастер Деликатесов» МЧЖга хом ашё етказиб бермоқда, шунингдек ўз савдо шаҳобчалари орқали аҳолини сифатли ва ҳамёнбоп гўшт, сут билан таъминламоқда.
МЧЖ бўрдоқичилик ва сўйиш қоидаларига мувофиқлигини тасдиқловчи МС 1500: 2009 ва Ц ОИC / СМИИC 1: 2011 талабларига жавоб берадиган ҲЛЛ-8471-ТР сертификатларига эга.
Пресс – тур давомида ОАВ вакиллари мазкур корхоналар фаолияти билан яқидан танишди.
«Ўзбекозиқовқатхолдинг» компанияси Ахборот хизмати
Каналга уланиш @uzboziqovqat
Реклама ҳуқуқи асосида.
Изоҳ (0)