Тожикистон президенти Эмомали Раҳмон республикада нашр этилган бадиий адабиётлар сонини кўпайтириш аҳолига ва ўқишга қизиқиш туйғусини уйғотишни буюрди, деб хабар бермоқда Asia-Plus.
«Президент Ижроия аппарати ходимларидан тортиб ҳар бир шахс йилига камида 5 та китоб ўқиши керак. Бу масала жиддий назоратга олиниши лозим. Биз интернет ва бошқа нарсалар ҳақида гапиряпмиз, лекин агар бирор шахс китоб ўқимаса, унинг нутқи равон бўлмайди, сўзамол ва нотиқ бўлолмайди», — деган президент 26 декабрь куни Парламентга йиллик режалар мурожаатида.
Эмомали Раҳмон кутубхоналар муҳим илмий ва маданий марказларга айланиши кераклигини таъкидлаган ва Президент Ижроия аппаратидан тортиб, барча вазирликлар, маҳаллий ҳокимиятлар, компаниялар, мактаб ва университетларгача барчасига бадиий китоблар тўпланган кутубхона ташкил этиш мажбуриятини юклаган.
У, шунингдек, 2021 йилда мамлакат мустақиллигининг 30 йиллиги арафасида президент фонди ҳисобидан «Тожикистонликлар» китоби чоп этилиб ҳар бир тожикистонликка бепул тарқатилишини маълум қилган. Фан ва таълим вазирлиги, Маданият вазирлиги ва Фанлар академиясига эса китобларни чет тилига таржима қилиб, чоп этиб, уларнинг электрон версиясини интернетда тарқатиш вазифасини юклаган.
Аввалроқ Эмомали Раҳмон Тожикистонда масжид қураётганларни мактаблар қуришга чақиргани ҳақида хабар берилган эди.
Изоҳ (0)