Қозоғистонда 28 декабрь миллий мотам куни деб эълон қилди, деб хабар бермоқда Tengrinews.
«Қозоғистон президенти Қосим-Жўмарт Тўқаев Олмаота яқинида йўловчи самолёти қулаши оқибатида одамлар ҳалок бўлгани сабабли 2019 йилнинг 28 декабрини миллий мотам куни деб эълон қилди», — деб хабар берган президенти матбуот котиби Берик Уали.
Эслатиб ўтамиз, Bek Air авиакомпаниясининг йўловчи самолёти Қозоғистоннинг Олмаота шаҳри аэропортидан ҳавога кўтарилиш вақтида ҳалокатга учраган.
Сўнгги маълумотларга кўра, ҳодиса оқибатида 15 киши ҳалок бўлган, 35 киши тан жароҳати олган — жабрланувчилардан 22 нафарининг аҳволи оғир экани айтилмоқда. Дастлабки маълумотларга кўра, қурбонлар ва жароҳатланганлар орасида ўзбекистонликлар йўқ.
Президент Bek Air самолётининг фалокатига айбдор барчани жазолашга ваъда берган.
Изоҳ (0)