Тошкент шаҳар Бектемир тумани 18-Висол сайлов округидаги 105-сайлов участкасида комиссия аъзолари томонидан қутига бюллетенлар ташланаётгани акс этган видео эълон қилингани ҳақида хабар берилган эди.
Бош прокуратура томонидан маълум қилинишича, мазкур 105-сайлов участкасидаги ҳолат текширилмоқда. Текшириш натижаси бўйича ахборот берилади.
Мавзуга доир: Тошкентдаги сайлов участкасида овозлар сохталаштирилгани тасвирланган видео пайдо бўлди
Кузатувчиларнинг йўқлигидан фойдаланиб, сайлов участкаси мутасаддилари олдиндан тайёрлаб қўйилган бюллетенларни сайлов қутичасига ташлаган. Ушбу ҳолат кузатувчилардан бирининг доимий ёниқ турган камерасига ёзиб олинган. Видеода мазкур қонунбузарлик жамоа бўлиб амалга оширилгани, сайлов участкасининг айрим аъзолари эшикка кўз-қулоқ бўлиб турган вақтда бошқалари сохта бюллетенларни сайлов қутисига ташлаётгани кўринган.
Изоҳ (0)