Western Union тўлов тизими Тожикистон миллий процессинг марказига уланди. Бу ҳақда мамлакат Марказий банки хабар берди.
2019 йил 23 декабрдан бошлаб Тожикистон фуқаролари хориждан юборилган пул ўтказмаларини қабул қилиб олиш имкониятига эга бўлди.
Аввалроқ Миллий процессинг маркази Contact ва «Юнистрим»га уланган эди. «Золотая корона» тўлов тизими процессинг марказига уланмаган ва Марказий банк хориждан пул юбориш операцияларини бекор қилиш бўйича тавсия берган.
3 декабрдан бошлаб Тожикистон барча тўловларни ва Тожикистон Миллий банки орқали пул ўтказмаларини қайта ишлашни ўз ичига оладиган янги тизимга ўтди, шундан сўнг мамлакатга пул ўтказмалари тизими тўхтатилган эди.
Изоҳ (0)