Western Union to‘lov tizimi Tojikiston milliy protsessing markaziga ulandi. Bu haqda mamlakat Markaziy banki xabar berdi.
2019-yil 23-dekabrdan boshlab Tojikiston fuqarolari xorijdan yuborilgan pul o‘tkazmalarini qabul qilib olish imkoniyatiga ega bo‘ldi.
Avvalroq Milliy protsessing markazi Contact va “Yunistrim”ga ulangan edi. “Zolotaya korona” to‘lov tizimi protsessing markaziga ulanmagan va Markaziy bank xorijdan pul yuborish operatsiyalarini bekor qilish bo‘yicha tavsiya bergan.
3-dekabrdan boshlab Tojikiston barcha to‘lovlarni va Tojikiston Milliy banki orqali pul o‘tkazmalarini qayta ishlashni o‘z ichiga oladigan yangi tizimga o‘tdi, shundan so‘ng mamlakatga pul o‘tkazmalari tizimi to‘xtatilgan edi.
Izoh (0)