Оқ уй мансабдори Майк Даффи АҚШ ва Украина президентлари Дональд Трамп ва Владимир Зеленский ўртасидаги телефон орқали мулоқотдан 91 дақиқа ўтиб, Пентагон вакиллари билан боғланган ҳамда Киевга ҳарбий ёрдам ажратилишини тўхтатиб туришга кўрсатма берган. Бу ҳақда «Интерфакс» маълум қилди.
Даффи электрон мактубида маъмуриятнинг маблағ ажратиш ҳақидаги қарорни қайта кўриб чиқиш режасига мувофиқ АҚШ мудофаа вазирлиги ёрдам кўрсатишни тўхтатиб туришини сўраган.
«Ушбу сўровнинг нозик жиҳатларини эътиборга олган ҳолда мазкур маълумотни топшириқни қандай бажариш кераклигини билиши зарур бўлган шахслар билан тиғиз алоқада ушлаб турганингиздан миннатдорман», — дейилади электрон мактубда.
Маълумот учун, демократлар Трамп ва Зеленскийнинг жорий йил 25 июлидаги ушбу мулоқоти тафсилотлари ошкор бўлганидан сўнг АҚШ президентига нисбатан импичмент жараёнини бошлади.
Изоҳ (0)