Тошкент шаҳрининг баъзи ҳудудларида таъмирлаш ишлари сабабли газ таъминоти вақтинча тўхтатилади. Бу ҳақда «Ҳудудгазтаъминот» АЖ матбуот хизмати хабар берди.
25 декабрь куни Тошкент шаҳар Сергели тумани, «Сўғдиёна» МФЙ Сўғдиёна кўчасидан ўтган ер ости газ қувурида таъмирлаш ишлари олиб борилиши сабабли 1, 2, 3-Зарунар тор кўчаларидаги жами 98 та, 1, 2, 3, 4-Сўғдиёна тор кўчаларидаги жами 80 та аҳоли хонадонлари мазкур ҳудудда жойлашган «Агровер», «Арома Парадайс», «Бўстон плюс», «Азамат Сервис», «Бимакс логистика», «Узтекс» каби улгуржи газ истеъмолчилари соат 11:00 дан 17:00 га қадар табиий газ таъминотидан вақтинча узилади.
Таъкидланишича, таъмирлаш ишлари тугатилгандан сўнг табиий газ таъминоти қайта тикланади.
«Ҳудудгазтаъминот» таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўрайди.
Изоҳ (0)