Тошкент шаҳар ҳокимлиги арчалар ўрнатиладиган ва байрам тадбирлари ўтказиладиган жойларни маълум қилди

Бу йилги янги йил шодиёналари ўтказиладиган масканлар рўйхати шакллантирилди. Бу ҳақда Тошкент шаҳар ҳокимлиги матбуот хизмати «Дарё»га маълум қилди.

Рўйхатга кўра жорий йилнинг 22 декабридан 2020 йилнинг 8 январигача Тошкентдаги 14 та масканда янги йил байрами тадбирлари бўлиб ўтади:

• Алишер Навоий номидаги Ўзбекистон Миллий кутубхонаси ҳамда Hayatt Regency меҳмонхонасининг олди майдонида;
• Шайхонтоҳур туманидаги «Анҳор Локоматив» боғида;
• Шайхонтоҳур туманидаги «Наврўз» боғида;
• Чилонзор тумани Ал-Хоразмий даҳасидаги Roison Electronics корхонаси олд майдонида;
• Яккасарой туманидаги Пушкин майдонида;
• Бектемир туманидаги Маданият ва аҳоли дам олиш марказининг олд томонида;
• Мирзо Улуғбек туманидаги Бобур номидаги «Эко-боғ» ҳудудида;
• Мирзо Улуғбек туманидаги Central park ҳудудида;
• Сергели туманидаги Green park ҳудудида;
• Учтепа туманидаги «Фарҳод деҳқон бозори»нинг кичик халқа йўлидаги тураргоҳи ҳудудида;
• Юнусобод туманидаги Тошкент ҳайвонот боғи олд майдонида;
• Яшнобод туманидаги «Ашхобод» маданият ва истироҳат боғи ҳудудида;
• Яшнобод туманидаги Мудофаа вазирлигининг Маънавият ва маърифат марказида;
• Чилонзор туманидаги «Ҳумо арена» муз саройининг олд майдонида.