Айни пайтда Россияда яшаб ижод қилувчи, келиб чиқиши ўзбекистонлик хонанда Наргиз Зокирова телебошловчи Ксения Собчакка интервью берди. Интервью Собчакнинг YouTube каналига жойлаштирилди.
Наргиз Зокирова ушбу интервьюда собиқ продюссери Максим Фадеев билан ўрталарида юз берган келишмовчилик ҳақида ҳам гапирди.
«Уни ёмон инсон дея олмайман. У менга хит таронам ‘Ти моя нежность’ни ёзиб берди. Бу қўшиқ ростдан ҳам оммалашди, лекин мен бутун ҳаётим давомида битта қўшиқни куйламайман-ку. Макс эса шу қўшиқни ёзди ва бошқа ижод қилмай қўйди, шу қўшиқ билан узоқ вақт юрдик. У қайсидир вақтда менга бўлган қизиқишини йўқотди, бор-йўғи шу», — дейди хонанда.
Маълумот учун, 2019 йилнинг август ойида хонанда Наргиз Зокирова Facebook’даги саҳифасида ижодини кузатиб бораётганларга мурожаат қилиб, Максим Фадеев ва унинг MALFA продюсерлик маркази билан шартномаси расман бекор қилинганини маълум қилган эди.
Аввалроқ Наргиз Зокирова собиқ турмуш ўртоғининг ўлимидан сўнг тушкунликка тушиб қолгани ҳамда фарзанд асраб олишни режалаштираётгани ҳақида гапирган эди.
Изоҳ (0)