«Халқлар дўстлиги» санъат саройида «Мавсум хитлари—2019» тақдирлаш маросими бўлиб ўтди. «Мавсум хитлари—2019»да Жаҳонгир Отажонов «Қадди баланд» видеоклипи учун тақдирланди. Бу ҳақда тақдирлаш маросимида меҳмон бўлган «Дарё» мухбири Феруз Муҳаммад хабар бермоқда.
«Ўзбекконцерт» давлат муассасаси қошидаги қўшиқлар ва уларга ишланган видеоклиплар савиясини баҳолаш бадиий кенгашининг 2018 йилнинг 5 декабрь куни бўлиб ўтган йиғилишида Жаҳонгир Отажоновнинг «Қадди баланд» деб номланган видео клипи баъзи жузъий камчиликлар кўзга ташлангани сабабли рад этилган эди.
Кейинроқ бўлиб ўтган матбуот анжуманларининг бирида «Ўзбекконцерт» давлат муассасаси директори Одилжон Абдуқаҳҳоров Жаҳонгир Отажоновнинг «Қадди баланд» деб номланган қўшиғи клипи билан боғлиқ муаммоли вазият ҳақида қуйидаги фикрларни билдириб ўтганди.
Жаҳонгир Отажоновнинг «Қадди баланд» номли қўшиғи жамоатчилик томонидан кенг муҳокамаларга сабаб бўлди. Жаҳонгир Отажоновга бадиий кенгаш томонидан «қўшиқ сўзига эътироз бўлди», дея нотўғри маълумот берилган. Аслида эътироз шеърга эмас, клипдаги ножўя хатти-ҳаракатлар, оила даврасида кўриш мумкин бўлмаган ҳолатларга тегишли эди. Қизларнинг бир-бирига ёпишиб ўйнаган ҳолатлари мавжудлиги учун клип бир марта бадиий кенгашдан қайтарилган.Журналист Феруз Муҳаммад Жаҳонгир Отажонов билан бўлиб ўтган қисқа суҳбат давомида ушбу қизиқ ҳолат ҳақидаги фикрлари билан қизиқди.«Ўзбекконцерт» давлат муассасаси директори Одилжон Абдуқаҳҳоров
‘Бу ашулага нимага қаршилик кўрсатишган экан’, деб ҳам одамларнинг эътибори янада қаттиқ қаратилиб, пиар бўлгандир. Бугунга келиб тақдирлашди, хурсандман (кулиб). Бугун байрам бўлгани учун ҳеч кимни танқид қилмоқчи эмасман. Нима бўлишидан қатъи назар бу эътибор одамга барибир ёқимли. Ҳаммадан Аллоҳ рози бўлсин, бизнинг меҳнатимизни тақдирлаш учун кимни бармоғи теккан бўлса ҳам дуо қиламиз, Аллоҳ рози бўлсин.Жаҳонгир Отажонов, хонанда
Маълумот учун, Жаҳонгир Отажоновнинг «Қадди баланд» деб номланган видеоклипи YouTube тармоғида 22 000 000 дан ортиқ томоша қилинган.
Изоҳ (0)