«Мавсум хитлари—2019»да йилнинг энг яхши 16 та клипи аниқланди ва тақдирланди (видео)
«Халқлар дўстлиги» санъат саройида «Мавсум хитлари—2019» тақдирлаш маросими бўлиб ўтди. Тақдирлаш маросимида журналист Феруз Муҳаммад иштирок этди ва репортаж тайёрлади.
«Мавсум хитлари—2019» тақдирлаш маросимида қуйидаги видеоклиплар йилнинг энг яхшилари деб топилди.
Хонанда Дилдора Ниёзова «Хато» видеоклипи учун тақдирланди. Мукофотни Ўзбекистонда хизмат кўрсатган маданият ходими Бобур Бобомурод топширди. Ушбу видеоклип YouTube тармоғида 7 000 000 га яқин томоша қилинган.
«Божалар» ва Via Marokand гуруҳи «Танимадингми?» видеоклипи учун тақдирланди. Ушбу видеоклип YouTube тармоғида 8 300 000 га яқин томоша қилинган.
Хонанда Шоҳруххон «Юрак» таронасига ишланган видеоклип учун тақдирланди. Ушбу видеоклип YouTube тармоғида 6 700 000 га яқин томоша қилинган.
Хонанда Шаҳзоданинг «Соғиниб» видеоклипи «Мавсум хитлари» мукофотига муносиб кўрилди. Ушбу видеоклип YouTube тармоғида 7 000 000 дан ортиқ томоша қилинган.
Хонанда Жасурбек Мавлонов «Майин майин» таронаси учун ишланган видеоклипи учун тақдирланди. Ушбу видеоклип YouTube тармоғида 8 000 000 дан ортиқ томоша қилинган.
Ўзбекистонда хизмат кўрсатган артист Улуғбек Раҳматуллаев «Билмади» таронаси учун тақдирланди. Ушбу видеоклип YouTube тармоғида 3 000 000 га яқин томоша қилинган.
Ўзбекистонда хизмат кўрсатган артист Мавлуда Асалхўжаева «Унутдинг…» таронаси учун «Мавсум хитлари»да тақдирланди. Ушбу видеоклип ҳам YouTube тармоғида 3 000 000 га яқин томоша қилинган.
Хонанда Баҳром Назаров «Инсофсиз» таронаси учун тақдирланди. Ушбу видеоклип YouTube тармоғида 2 000 000 га яқин томоша қилинган.
Ўзбекистонда хизмат кўрсатган артист Райҳон Ғаниева «Айт нега» видеоклипи учун тақдирланди. Ушбу видеоклип ҳам YouTube тармоғида 20 000 000 дан ортиқ томоша қилинган.
Хонанда Муниса Ризаева «Бир нима де» видеоклипи учун тақдирланди. Ушбу видеоклип эса YouTube ижтимоий тармоғида 325 000 дан ортиқ томоша қилинган. Тақдирлаш маросимида ижтимоий тармоқларда томоша қилиниши жиҳатидан энг кам томоша қилинган видеоклип Муниса Ризаевага тегишли эди.
Хонанда Жаҳонгир Отажонов «Қадди баланд» видеоклипи учун тақдирланди. Ушбу видеоклип YouTube тармоғида 22 000 000 дан ортиқ кўрилган.
Ўзбекистонда хизмат кўрсатган артист Зиёда Қобилова «Тамара» видеоклипи учун тақдирланди. Ушбу видеоклип YouTube тармоғида 6 000 000 га яқин кўрилган.
Хонанда Сардор Таиров ўзининг «Севмасам» таронаси учун тақдирланди. Ушбу видеоклип YouTube тармоғида 6 000 000 дан ортиқ кўрилган.
Хонанда Имрон «Ёмон қиз» қўшиғи учун «Мавсум хитлари» мукофотига муносиб кўрилди. Ушбу таронага иккита видеоклип суратга олинган бўлиб, биттаси YouTube тармоғида 9 000 000 га яқин, биттаси эса 6 000 000 дан ортиқ томоша қилинган. Видеоклип умумий ҳисобда 15 000 000 дан ортиқ томоша қилинган.
Ўзбекистонда хизмат кўрсатган артист Алишер Файз «Ярашибди» видеоклипи учун тақдирланиши режалаштирилган экан, аммо хонанда тақдирлаш маросимида кўринмади. Мазкур видеоклип 495 000 дан ортиқ томоша қилинган.
Хонанда Озода Нурсаидова «Аждодлар» видеоклипи учун тақдирланди. Мазкур тарихий видеоклип YouTube ижтимоий тармоғида 685 000 дан ортиқ томоша қилинган.
