UzAuto Motors компаниясининг Хоразм филиали ишлаб чиқариш тармоғи конвейеридан 200 мингинчи автомобиль чиқди. Юбилей модели Damas автомобили бўлди. Бу ҳақда «Ўзавтосаноат» томонидан маълум қилинди.
Таъкидланишича, UzAuto Motors’нинг Хоразмдаги автомобиль заводига 2013 йилда асос солинган. 2014 йил 6 январда заводдан биринчи Damas чиқарилган. Бугунги кунда корхонада Damas ва Labo автомобиллари ишлаб чиқарилмоқда.
Аввалроқ UzAuto Motors заводи томонидан 2019 йилнинг январь—ноябрь ойлари давомида жами 253 421 та енгил автомобиль ишлаб чиқарилгани ҳақида хабар берилган эди. Шунингдек, UzAuto Motors автомобиллари Саудия Арабистонига экспорт қилиниши мумкинлиги ҳақида ҳам маълум қилинган эди.
Изоҳ (0)