Сурхондарё вилояти ҳокими Тўра Боболов 40 га яқин блогер ҳамда туман ҳокимларининг жамоатчилик билан алоқа ўрнатишда фаоллик кўрсатаётган ахборот хизмати раҳбарларини замонавий ноутбук билан тақдирлади.
ЎзАнинг хабар беришича, янги йил байрамига атаб совға бўлган компьютерларни вилоят ҳокимининг биринчи ўринбосари Рустам Пардаев ўз эгаларига тантанали топширган.
«Дунёда интернет ривожланиб, ижтимоий тармоқларда фикрлар хилма-хиллиги шиддатли тус олган ҳозирги пайтда юз бераётган янгилик ва воқеаларни тезкор жамоатчиликка етказиш, одамларда тўғри муносабат уйғотиш зиммамизга катта масъулият юклайди. Мазкур ноутбук бизнинг бу борадаги ишимизни янада енгиллаштириб, кенг жамоатчиликни туманимизда юз бераётган ўзгаришлар, содир бўлаётган воқеа-ҳодисалардан тезкор хабардор қилишда муҳим аҳамият касб этади», — деган Қумқўрғон тумани ҳокимининг ахборот хизмати раҳбари Нигора Жумаева.
Тадбирда сўзга чиққан блогерлар Ўзбекистонда сўз эркинлиги таъминланаётганини таъкидлаб, ёшларга яратиб берилаётган имконият учун миннатдорлик билдирган.
Изоҳ (0)