«Ислом Каримов номидаги Тошкент давлат техника университети ҳузуридаги Ўзбекистон—Япония ёшлар инновация маркази фаолиятини янада такомиллаштириш чора-тадбирлари тўғрисида»ги Президент қарори қабул қилинди. Бу ҳақда «Ҳуқуқий ахборот» канали маълум қилди.
Қарорга мувофиқ Ўзбекистон—Япония ёшлар инновация маркази фаолиятини мувофиқлаштириш Инновацион ривожланиш вазирлиги томонидан амалга оширилади.
Қарор билан марказ зиммасига инновация ва технология трансфери марказлари, технопарклар, юқори технологияли лабораториялар, инновация лабораториялар, стартап ва бизнес акселераторлар ҳамда Ёшлар академияси билан яқиндан ҳамкорлик қилиш ва бошқа бир қатор қўшимча вазифалар юклатилди.
Қарор билан марказ тузилмаси ҳамда марказ васийлик кенгашининг таркиби тасдиқланди.
Бундан ташқари, марказ ходимларига:
- Халқаро тараққиёт ассоциациясининг имтиёзли ресурсларидан олинган кредит ҳисобидан ташкил этиладиган 7 та олий таълим муассасалариаро илмий лабораторияларидан;
- Инновацион ривожланиш вазирлиги ҳузуридаги Илғор технологиялар маркази лабораторияларидан;
- Биоорганик кимё институти ҳузуридаги Жамоавий фойдаланиш марказининг лаборатория қурилмаларидан текин фойдаланиш имконияти берилди.
Мавзуга доир: Шавкат Мирзиёев Японияга боради
Изоҳ (0)