Қашқадарё вилояти ИИБ 15 декабрь, якшанба куни YouTube’га «Қамашида катта жанжал» сарлавҳаси остида жойлаштирилган видеотасвирга муносабат билдирди.
Мазкур видеотасвир 8 декабрь, якшанба кунидаги хизмат тақсимотига асосан вилоят ИИБ ЙҲХБ ЙПХБ 2-ЙПХ отряди 2-сафарбарлик гуруҳи ЙПХ инспекторлари сафдорлар Б.Қудратов, О.Хўжанов, кичик сержант И.Бўронов хизмат олиб бораётган вақтда тасвирга олинган.
Қарши—Шаҳрисабз йўлининг 46 километрида, яъни Қамай қишлоғидан ўтувчи қисмида фуқаро Ғ.Ж. бошқарувида бўлган Nexia русумли автомашинани бошқариш давомида хавфсизлик камаридан фойдаланмасдан келганлиги учун ЙПХ инспектори сафдор Б.Қудратов уни тўхтатиб, ҳайдовчига ўзини таништириб, ўзига ва автомашинага тегишли ҳужжатларни тақдим қилишни сўраганида, ҳайдовчи ҳужжатларини тақдим этган.
ЙПХ инспектори ҳужжатларни текшириш давомида автомашина суғурта полисининг муддати ўтиб кетган ҳолда автомашинани бошқариб юрганлиги, бу ҳаракати билан Ўзбекистон Республикаси Вазирлар Маҳкамасининг 2015 йил 24 декабрь кунидаги 370-сонли қарори билан тасдиқланган «Йўл ҳаракати қоидалари»нинг 7-бандида назарда тутилган қоидабузарликни содир этганлиги учун ҳайдовчига нисбатан УЗ-19-серияли 70-235830-рақамли маъмурий баённома расмийлаштириб, ҳайдовчини маъмурий баённома билан таништирган ва МЖтКнинг 291-моддаси ва ИИВнинг 2011 йил 13 июнь кунидаги 68-сонли буйруғининг 36-бандида «Ушлаб туриш сабаблари бартараф этилгунга ва маъмурий ҳуқуқбузарлик тўғрисидаги иш кўрилгунга қадар» деб кўрсатилганлигига асосан автомашина Қамаши туманидаги «Ҳожибек Абдуқаҳҳорович» МЧЖга тегишли бўлган жарима майдончасига жойлаштирган.
Шунда Nexia’да йўловчи сифатида келаётган нўмулум фуқаро қўл телефонига ЙПХ инспекторларини видеотасвирга олиб, гўёки ЙПХ ходимлари зўравонлик қилиб машинани эвакуаторга ортаётганлигини, Қамаши туманида «ГАИ»лар шундай ишлар билан шуғулланиб юрганлигини, ҳайдовчига ўзини таништирмаганлигини, хизмат гувоҳномаси ва дислокациясини кўрсатмаганлигини айтиб видеотасвирга ола бошлаганлиги, ЙПХ инспектори кичик сержант И.Бўронов ушбу фуқарога «ҳурматли фуқаро Сиз ҳайдовчи эмассиз, ЙПХ инспектори ўзини таништирди, мен кичик сержант Бўронов Икром» деб ўзини таништириб хизмат гувоҳномасини кўрсатганида ушбу фуқаро унга бақирмаслигини, оралиқ масофа сақлашини айтиб жанжал чиқаришга ва оммани йиғишга ҳаракат қилган.
Шундан сўнг эвакуаторни ҳужжатларини кўрсатмаганлигини, уни ким чақирганлиги бўйича турли хил гап-сўзлар қилиб, оммани ўзига жалб қилган ва ЙПХ инспекторларининг ишига халақит берган. Автомашинани эвакуаторга ортиш давомида «автомашинани судраб ташладинглар, зўравонлик қилиб ортаяпсизлар, мен бўлганимда буларга автомашинани бермасдим», — деб ҳайдовчини жанжал кўтаришга ундаган ва ушбу ҳолат бўйича прокуратура органларига ҳамда тегишли ташкилотларга мурожаат қилишини айтиб видеотасвирни якунлаган.
Мазкур ҳолат юзасидан вилоят ИИБ ЙҲХБ масъул ходимлари томонидан хизмат текшируви ўтказилмоқда.
Изоҳ (0)