Қашқадарё вилояти Қарши туманида қўшнисининг 1,4 миллион сўмлик тилла занжирини ўғирлаган қиз қўлга олинди. Бу ҳақда MY5 телеканалининг «Марказий студия» ахборот дастури хабар берди.
Эндигина 18 ёшни қаршилаган Дилноза Анварова Қарши тумани «Қуйибешкент» маҳалласида истиқомат қилади. У жорий йилнинг 19 сентябрь куни маҳалласидаги фуқаро Шоҳиста Чориеванинг уйига ўғриликка тушиб, унинг тилла занжирини ўмарган.
Дилноза 17 сентябрь куни ҳам Қарши туманида яшовчи фуқаро Гулноза Мавлонованинг хонадони ертўласидан жами 16 миллион сўмлик тилла тақинчоқларни ўғирлаб кетгани аниқланган.
Дилноза тилла занжирларни сотиш учун Қарши шаҳрига бораётганида Қаршқадарё вилояти ИИБ ходимлари томонидан қўлга олинган.
Мазкур ҳолатлар юзасидан Дилнозага нисбатан Жиноят кодексининг 169-моддаси (Ўғрилик) 3-қисми «а» банди билан жиноят иши қўзғатилган.
Таъкидланишича, Динозанинг бу қилмишлари учинчи бор содир этилмоқда.
Изоҳ (0)