Ўзбекистон МДҲ армия, авиация ва флотига кўмаклашувчи кўнгиллилар жамияти (ДОСААФ) иттифоқига қайта қўшилиши мумкин, деб хабар беради «Kommersant.uz».
Ўзбекистон мудофаасига кўмаклашувчи «Ватанпарвар» ташкилоти бу иттифоққа кириш истаги борлигини айтган. Бу масала 13 декабрь, жума куни Россия ва Ўзбекистон вакиллари билан ўтказиладиган икки томонлама учрашувлар вақтида муҳокама қилинади.
Эслатиб ўтамиз, ушбу иттифоқ 1992 йил Тошкентда тузилган бўлиб, унинг таркибига Озарбайжон, Арманистон, Беларусь, Қозоғистон, Қирғизистон, Россия ва Тожикистон киради.
Ўзбекистон мудофаасига кўмаклашувчи «Ватанпарвар» нодавлат нотижорат ташкилоти бўлиб, мазкур ташкилот 1991 йил 23 ноябрда тузилган. Ўзбекистон фуқароларининг мустақил оммавий-ҳимоя, спорт-техник ва ватанпарварлик жамоат ташкилоти ҳисобланади.
Изоҳ (0)