Андижон халқаро аэропорти бир йиллик танаффусдан сўнг ўз фаолиятини тиклади. Бу ҳақда вилоят ҳокимлиги ахборот хизмати хабар берди.
«Декабрь ойининг 22 ва 27-саналарида Россия Федерациясининг ‘ИрАэро’ авиакомпанияси Super jet-100 ҳаво лайнерида Москва—Андижон—Москва (Домодедово) йўналишини йўлга қўяди», — дейилади хабарда.
Маълумот учун, аэропортнинг ёпилиши сабаби ҳақида изоҳ берган вилоят ҳокими Шуҳратбек Абдураҳмонов B синфига мансуб аэродромга эга Андижон вилояти аэропортида учиш-қўниш йўлаги охирги марта 1980 йилда, перрон 1985 йилда таъмирлангани, турли сабаб ва техник носозликлар туфайли фаолияти тўхтатиб қўйилган вилоят аэропорти таъмирланишини маълум қилганди.
Изоҳ (0)