АҚШнинг General Motors компанияси ўзининг Россиядаги сўнгги активини сотмоқда. «АвтоВАЗ» компанияси GM-Avtovaz қўшма корхонасидаги General Motors’нинг 50 фоиз улушини сотиб олмоқда. Хариддан сўнг GM-Avtovaz тўлиқ Россия компаниясига айланади. Бу ҳақда «АвтоВАЗ» компанияси томонидан маълум қилинди, дея хабар беради Meduza.
Қайд этилишича, қўшма корхонага тегишли завод маълум вақт давомида Niva Chevrolet автомобилларини ишлаб чиқаришни давом эттиради.
Кейинчалик автомобиллар Lada бренди остида ишлаб чиқарилади, GM-Avtovaz компаниясининг номи эса ўзгартирилади.
GM-Avtovaz Россия автосаноатидаги хорижий капитал иштирокидаги дастлабки корхоналардан бири бўлган.
Изоҳ (0)