«Олтин кабутар—2019» ғолиблари тақдирланди (фото+видео)

«Халқлар дўстлиги» санъат саройида телевидение, кино, санъат ва маданият соҳаси вакиллари учун «Ёшлар» ва «Менинг юртим» телеканаллари томонидан ташкил этилган «Олтин кабутар—2019» тақдимоти бўлиб ўтди. Бу ҳақда «Дарё» мухбири Феруз Муҳаммад хабар бермоқда.

• «Энг яхши актёр» номинацияси ғолиби «Журналист» сериали бош рол ижрочиси Мадина Ниғматуллаева деб топилди. Актрисага овоз беришнинг сўнгги босқичида мухлислар томонидан 1283 та овоз берилган.

• «Миллион» жамоасининг собиқ аъзоси, актриса Дурдона Қурбонова номинациянинг 2-ўрнига муносиб кўрилди. Бу учун актрисанинг мухлислари 1131 та овоз йўллашган.

• Актриса Асал Абдуллаевага мухлислар томонидан овоз бериш жараёнининг сўнгги босқичида 117 та овоз йўлланган ва актриса 3-ўринни эгаллади.

• Хонанда Сардор Таиров «Севмасам» деб номланган видео клипи билан «Энг яхши видеоклип» номинацияси ғолиби бўлди. Сардор Таировга мухлислар томонидан 89 та овоз берилган.

• Хонанда Шоҳруҳхоннинг «Юрак» деб номланган видеоклипи 2-ўринга муносиб кўрилди. Клипга 41 та овоз йўлланган.

• Учинчи ўрин Зоҳиршоҳ Жўраевнинг «Ҳа-ҳа» деб номланган клипига насиб этди. Муҳлислар ушбу видео клип учун 21 та овоз йўллашган.

Танловнинг «Энг яхши саундтрек» номинацияси ғолиблари қуйидагилар.

•  Юсуфхон Нурматовнинг «Кўзларингни кўрмасам»таронаси номинация ғолиби бўлди. Ушбу тарона «Журналист» сериали учун махсус куйланган.

• Хонанда Машҳурбек Йўлдошевнинг «Ожиза» сериали учун куйланган «Тугамас азоблар» қўшиғи номинациянинг 2-ўринига муносиб кўрилди.

• Ўзбекистон халқ артисти Озодбек Назарбеков ҳамда Гулсанам Мамазоитова томонидан ижро этилган «Бир ками тўлмаган дунё» сериалининг махсус таронаси номинацининг 3-ўрнини эгаллади.

«Олтин кабутар—2019» тақдимотида режиссёр Дилмурод Масаидов ҳамда продюсер Маҳмуд Эркабаев томонидан суратга олинган «Қўқон шамоли» тарихий-детектив фильми «Энг яхши режиссёр» ҳамда «Энг яхши бадиий фильм» рағбатлантирувчи мукофотларини қўлга киритди.

«Олтин кабутар—2019» тақдимоти асосий номинациялар, махсус ва рағбатлантирувчи мукофотларга бўлинди.

Танловнинг махсус мукофотига муносиб кўрилган номзодлар рўйхати қуйидагича.  

«Ўзбек санъати ривожига қўшган улкан ҳиссаси учун»: Ўзбекистон халқ артисти, Фарруҳ Зокиров тақдирланди.

«Ўзбек телевидениеси ривожига қўшган ҳиссаси учун»: Таниқли кулгу устаси, Ўзбекистон халқ артисти Эргаш Каримов тақдирланди (мукофот марҳум санъаткорнинг турмуш ўртоғи Роза Каримовага топширилди).

«Энг яхши мураббий»: «Фидокорона хизматлари учун» ордени ва «Ўзбекистон Республикасида хизмат кўрсатган журналист» унвони соҳиби, иқтидорли мунаққид ва таржимон Маҳмуд Саъдий муносиб кўрилди. (мукофот марҳум ижодкорнинг ўғлига топширилди).

«Олтин кабутар—2019»нинг рағбатлантирувчи мукофоти ғолиблари қуйидагилар.

• «Энг яхши концерт дастури»: Улуғбек Раҳматуллаев

• «Йилнинг энг яхши мақом ижрочиси»: Элмурод Аҳмедов, Фурқат Ашуралиев

•  «Йил блогери»: Қобил Хидиров, «Davletov.uz» телеграм-канали администратор.

«Йил шифокори»: Жалилов Адҳам Қаҳрамонович.

«Йилнинг энг яхши ҳунарманди»: Ғайрат Жўраев

«Йил рассоми»: Шаҳноз Абдуллаева

«Йилнинг энг яхши тадбиркори»: Нарзиқул Ҳолиқов

«Энг яхши хорижий ҳамкор»: Мурод-Мирзо Шарипов.